恋上儿子学校的老师（05-06） (第2/2页)

ission收，正确啲讲其实应该係我多谢番妳至啱!」虽然我同样对Eliane亦都有啲感觉，但我同Eliane一样都係唔知应该要点讲同点做，先至可以令到大家都知道对方心意会係点。

    我响个袋取左个刚买新门锁出黎，跟住我就再同Eliane讲，「同妳换埋把新锁去，因为始终之前有人住过，同埋….妳把门锁似乎删得都唔係咁好!」

    Eliane听倒之后正一脸感动咁话，「係呀，我成日上黎都觉得把锁唔係删得咁好，有时度门直情会自动打开左添，唔该哂你呀吴生!」

    几日之后，下昼时份，我收到学校打电话黎，话志仔响学校突然发高烧，校方要求我立刻到校带志仔去睇医生，收线之后，我急到即时就驾车去到学校度，接左志仔之后，跟住我再驾车就带志仔去法国医院度睇急症。

    经检查过后，志仔証实係患左双病毒感染，而需要即时入院留医同治疗，正帮志仔办紧入院手续时候，我个电话响起，係Eliane打黎比我，Eliane好急咁问住我，「吴生，志仔佢而家点呀?」我讲左志仔情况比Eliane知道之后，Eliane跟住就话会赶黎法国医院呢度搵我地。

    办好入院手续之后，我陪住志仔上到病房，跟住再无几耐之后，Eliane亦都已经赶到黎，「吴生，志仔点样呀?」见Eliane正一面担心咁样，我安慰住佢，「应该唔会有大问题，医生话係关乎近排出面啲病毒传染得太犀利，所以好多小朋友都有呢种情况发生咁喎!」

    Eliane听倒之后已经鬆左一口气，同Eliane两个一齐响病房度陪住志仔，响医院叫饭食过之后，跟住志仔居然同我讲，「爹啲，陈老师都好攰架嘞，你不如送陈老师番屋企先啦，我自己一个人响度打机就得架嘞!」

    陈老师啤住志仔黎讲，「喂，边个话比你打手机架，而家你咁样病左，要早啲休息个人先会快啲好番架，你仲係咁曳，一阵我就叫医生入黎同你打针架!」

    志仔好惊咁话，「唔好呀陈老师，我唔打机嘞，至多我而家就瞓嘞!」讲完志仔就用张被懞住个头黎咋瞓，而我同Eliane两个就正相视而笑住。

    Eliane睇黎都好似好攰咁，所以我亦同佢讲话驾车送佢番屋企先，我知Eliane同佢mama暂时都仲係住响旧居果度，但Eliane同我讲，话想先去新屋度执少少野，跟住我就话陪佢上楼帮下佢手。

    上到Eliane间屋之后，见已经有好多一袋二袋咁放左响个厅中间度，但Eliane就开始好似有啲唔自然咁，「吴生，随便坐吖，我….不如都係斟杯水比你先啦!」

    Eliane走左去斟水，但等左一阵之后，Eliane又急急脚响厨房度行番出黎，「唔好意思呀吴生，原来我啲水樽仲未装水，个热水壶响边呢?等我摷佢出黎煲番啲水先!」Eliane开始好似乱哂笼咁。

    我起身行去佢面前度讲，「唔使咁客气架，我睇妳今晚都好攰架嘞，不如我都係车妳番屋企度早啲休息啦!」Eliane好似有啲唔想咁，「我…呀係嘞，我仲要执下啲野先，我成日都话要上黎执野，但就成日都比藉口自己懒唔肯开始去做野，啲野一路搬黎就愈整愈多，我真係…….」

    但突然，屋内所有灯光尽熄，而门外走廊就响起有人问係唔係停电呀，伸手不见五指，但就感到有人正紧贴住我，两隻手臂已比人用力地按住，我知Eliane觉得有啲惊，我安慰住佢黎讲，「无事，可能係大厦跳fuse啫，呢啲情况一般等一阵紧急维修过后就会有番电架嘞!」

    Eliane无出到声，但我就隐约听倒佢响我面前沉重呼吸声响，我条颈正感受到佢呼出黎气息，漆黑环境之中，Eliane已经将我愈拉愈紧，愈贴愈埋。

    Eliane双胸经已正微微轻贴住我胸膛，又轮到我开始觉得有啲紧张起黎，呼出气息已经由我颈部上移到我下巴之处，我知Eliane此刻正抬头面向住我。

    我亦开始逐渐紧张不已，我知Eliane块面就正近在我咫尺之处，而我亦隐约望倒Eliane正在凝视住我，手正斗胆开始轻揽住Eliane两边腰肢，而突然一下冲动就令我俯首轻吻住佢两片柔软红唇。

    轻吻过后，我已经开始有啲意乱情迷，静左一阵之后，漆黑之中有人突然就将我紧抱住起黎，烈火似乎已经变成开始一发不可收拾。